பிரதிபலிப்பு

உன்னிடம் சொல்லத்துடித்த
பூரிக்கும் சில நிகழ்வுகளை
சொல்லிவிட்டேன்.....

உன்னிடம் காட்டத்துடித்த 
என் தற்போதைய நிலையிருப்பை
காட்டிவிட்டேன்....

சொல்லியதை உன் செவிகளும்
காட்டியதை உன் கண்களும்
பெற்றுக்கொண்டதையும்
ஊர்ஜிதமாக உணர்ந்து விட்டேன்..

சொல்லப்பட்டவைகளுக்கும்
காட்டப்பட்டவைகளுக்கும்
உன் பிரதிபலிப்பு மட்டும்
வார்த்தைகளாக கிடைத்துவிட்டால்
கேட்க வேண்டிய கேள்விகளையும்
கேட்டு விடுவேன்......