கனவின் தொடர்ச்சி

எழுப்புதலால் துண்டிக்கப்பட்ட
அழகிய வாழ்க்கையை
திரும்ப வாழ்ந்தே தீருவது
என கனவுலகில்
பிரவேசிக்க ஆயுத்தமானேன்...!!!
விட்ட வாழ்க்கையின் தொடர்ச்சியை
கண்களில் ஏற்றிக் கொண்டு
தொடர போன என்னை
சில நிமிடங்களிலேயே ஆழ்ந்த
உறக்கம் அணைத்துக் கொண்டது....!!
திரும்ப நித்திரை முடிந்து எழும்போது
வேறு ஒரு வாழ்க்கையிலிருந்து
வெளி வருகிறேன்...!!!
முன்னமே தொடரப்போன
வாழ்க்கையை தொடர்ந்தேனா
அல்லது தொடர்ச்சியிலேயே
இன்னொரு வாழ்க்கையில்
இணைந்தேனா என்ற
குழப்பத்துடனேயே
புலர்கிறது இன்றைய
என் காலைப்பொழுது....!!!